Pamje të reja! Momenti kur policia ndjek me vrap Learin që po ecte në këmbë duke folur në telefon

Të tjera pamje janë publikuar pak çaste para vdekjes së 32-vjeçarit Lear Kurti në duart e Policisë së Komisariatit nr.3 në kryeqytet.

Në pamjet e mëposhtme mund të shihni se Leari ka qenë duke ecur në këmbë e duke folur me telefon kur policia ka qenë duke patrulluar në rrugën “Riza Çuka” në zonën e Laprakës.

Policia i është vënë nga pas Learit dhe dy policë kanë zbritur nga makina e patrullës dhe e kanë ndjekur përrreth 200 metra.

Lear Kurti është neutralizuar në zonë e Don Boskos para një marketi dhe pavarësisht gjendjes së tij të rënduar është arrestuar dhe dërguar në Komisariat. Por kur efektivët e Policisë kanë vënë re se gjendja e tij ishte rënduar e kanë transportuar me makinë në spitali dhe aty është deklaruar i vdekur.