Paraqitet në SPAK edhe Blendi Gonxhe

Zyrat e SPAK janë bërë si një shtëpi e dytë për socialistët.

Rilindasit e Edi Ramës po shfaqen rregullisht në dyert e Prokurorisë së Posaçme.

Këtë të hënë ishte radha e Blendi Gonxhes.

Nuk dihet arsyeja pse drejtori i Drejtorisë së Përgjithshme të Transportit Rrugor është paraqitur në Prokurorinë e Posaçme.

Javën e kaluar në këtë prokurori u paraqit edhe kryebashkiaku socialist, Dritan Leli.

Përpara tij, në SPAK u mor në pyetje për mbi 9 orë një nga bashkëpunëtorët e ngushtë të Edi Ramës, ish-ministri i Shëndetësisë, Ilir Beqja.

Kujtojme se Kompania “Albarent” në pronësi të Drejtorit të Patentave, Blendi Gonxhe, ka marrë mbi 150 milionë lekë të vjetra nga shoqëria koncensionare e landfillit të Sharrës, “Integrated Energy BV”.

Gjatë periudhës 2019-2021, kompania off-shore që ka fituar kontratën 128 milionë euro për ndërtimin e inceneratorit të Tiranës, ka kryer mbi 70 pagesa në llogari të kompanisë së makinave me qera të Blendi Gonxhes.

Të dhënat konfirmohen nga dokumentat zyrtarë të administratës Tatimore.