Parodia e Sejkos: Rama si Cuku “Dy herë mat”

‘Njeriu i memeve’, Genc Sejko, tepër aktiv dhe i ndjekur në faqen e tij në Facebook, për shkak të humorit të hollë që kap aktualitetin politik në Shqipëri, ka zgjedhur një episod filmi për të përshkruar ‘rokadën’ e fundit mes Kryeministrit dhe Presidentit.

Është një skenë nga filmi i Kinostudios ‘Dy herë mat’ me regji dhe skenar të Bujar Kapexhiut, gjithashtu në rolin e Ilo Pincit. Pikërisht si këtë të fundit e ka ‘portretizuar’ Sejko Presidentin Meta, pra si Mjeshtrin, ndërkohë që kryeministri është Cuku, i luajtur në film nga Fadil Kujofska.