Pas kritikave, Rama e sjell sërish “Lasgushin” në Rinas

Rama e fryu shumë me propagandë linjën e re Air Albania, po shumë shpejt shtypi dhe opozita zbuluan se kjo agjenci nuk ekzistonte. Nuk kishte zyra, dhe Airbusi “Lasgush” u tërhoq në Turqi, dhe u parkua diku në një cep te aeroportit të Stambollit.

Mapo mësoi se “Lasgushi” po rishfaqej në qiejt tanë për një provë, mision, ose vakt propagande, meqënëse masivisht qeveria dhe Rama u kritikuan dhe rrjeti u tall me suksesin e tij të madh, që avulloi papritur.

“Lasgushi” mund të ketë mbërritur për të çuar vëmendjen tek ai, për ta larguar nga krizat e mëdha të vendit, e nga protesta e pritshme e së shtunës.

Nga fotot nuk dallohet të ketë zbritur ndonjë pasagjer, pra fluturimi nuk ka qenë shërbim transporti.

Më së shumti, siç kuptohet, është një shërbim propagande.