Patozi ‘vlerëson’ tryezën për Reformën Zgjedhore: Paska ecur goxha

Një nga pikat që po diskutojnë përfaqësuesit e mazhorancës dhe opozitës, është mbajtja e zgjedhjeve para verës, në muajt Prill – Maj ose në vjeshtë në Tetor-Nëntor. Patozi ironizon diskutimet mes aktorëve politikë duke thënë se Reforma ka ecur goxha përpara dhe është vendosur që zgjedhjet të bëhen në Tetor meqë në verë është vapë e madhe.

“Lajme shumë të mira sot. Paska ecur goxha përpara reforma. Zgjedhjet nuk do t’u bëkan më në verë, se është gjithë ajo vapë dhe nuk ia vlen të dalësh nga shtëpia.
Në vjeshtë, po që është tamam, se me këtë rast i shtyjmë edhe nja tre muaj të tjerë votimet, nga inati i Edi Ramës”, shkruan kreu i Bindjes Demokratike Astrit Patozi.