PD denoncon: Punonjësi i zjarrfikëses që trafikonte drogë, është patronazhist i PS

Bardhi thotë se janë ndaluar dy trafikantë droge që përgjimet tregojnë se kanë qenë të angazhuar në blerje votash për regjimin Rama-Doshi.

Po ashtu Bardhi bën me dije se punonjësi i zjarrëfikësit rezulton të jetë patronazhisti i PS.

Deklarata e plotë

Ndalohen dy trafikantë droge dhe përgjimet tregojnë se kanë qenë të angazhuar në blerje votash për regjimin Rama-Doshi. Arrestohet për trafik droge një punonjës i zjarrëfikëses në Tiranë dhe rezulton të jetë patronazhist i PS-së 👇. Ky është kriminalizimi i politikës, kjo është masakra zgjedhore e 25 prillit, kështu u pengua ndryshimi që njerëzit donin, me trafikantë droge e paratë e pista të drogës. Zhbërja e kësaj padrejtësie është dhe do të mbetet misioni ynë. Ne nuk do të ndalemi në betejën tone kundër kësaj pakice që përdor çdo mjet për të tjetërsuar vullnetin e lirë të shqiptarëve. Me shumicën e qytetarëve ne do të kthejmë legjitimitetin dhe demokracinë në vend.