PDIU : Të numërohen votat për antarët e këshillit bashkiak në Librazhd .

Partia për Drejtësi, Integrim dhe Unitet ka dorëzuar në Komisionin e Ankimeve dhe Sanskioneve një kërkesë për rinumërim të votave për anëtarët e Këshillit Bashkiak në Librazhd.

Në shkresën e dorëzuar në KAS, PDIU ngre pretendime për parregullsi në këtë bashki sa i takim procesit të numërimit të votave.

PDIU thotë se nga procesi i numërimit, përfaqësuesit e tyre kanë vënë re parregullsi, Një prej tyre thuhet në shkresë, është mosleximi me zë të lartë i votave nga ana e numëruesve.

Ata evidentojnë edhe një tjetër pretendim të tyre sa i takon shpërndarjes së votave. PDIU shprehet në shkresën e saj se në 17 qendra votimi, ka marrë një votë ndërkohë që vetëm në një qendër tjetër ka marrë 37 vota.