Përdhunimi i 12-vjeçares në Pogradec, del FOTOJA e të moshuarit

Është publikuar fotografia e Rushan Selkos, i dyshuar për përdhunimin e një 12-vjeçareje në fshatin Piskupat të Pogradecit, një ngjarje që ka tronditur rëndë komunitetin lokal.

Sipas familjarëve të vajzës, ata e njihnin autorin e dyshuar dhe kishin një miqësi të hershme me të.

Dy familjet frekuentonin shpesh shtëpitë e njëra-tjetrës dhe, sipas tyre, nuk kishin pasur asnjë dyshim se një ngjarje e tillë mund të ndodhte.

Familjarët shprehen se ndodhen në gjendje të rënduar emocionale dhe ndihen të turpëruar e të tronditur nga ajo që ka ndodhur, ndërsa kërkojnë që drejtësia të veprojë sa më shpejt dhe rasti të zbardhet plotësisht nga autoritetet kompetente.