Përfshihet nga flakët pallati në Tiranë

Një apartament në një pallat në kryeqytet në zonën e Astirit është përfshirë nga flakët. Raportohet se nga flakët ka vetëm dëme materiale.

“Rreth orës 08:53 në rrugën ‘Teodor Keko’, ka rënë zjarr në katin e gjashtë të një pallati, ku ka vetëm dëme materiale. Shërbimet e Policisë bënë evakumin e menjëhershëm të banorëve të pallatit. Në vendngjarje ndodhen forcat zjarrfikëse të cilat po punojnë për fikjen e zjarrit”, bën me dije policia në një njoftim zyrtar për ngjarjen.

Vijon puna nga Grupi Hetimor për zbardhjen e rrethanave të ngjarjes dhe përcaktimin e shkakut të rënies së zjarrit, shtuan të njëjtat burime.