Përfundon takimi i Bashës me ambasadorët e SHBA, BE dhe Britanisë

Takimi mes Bashës me ambasadoren e SHBA Yuri Kim, ambasadorin e BE Luigi Soreca dhe ambasadorin e Britanisë Duncan Norman zgjati rreth një orë.

Ambasadorët u vunë në në lëvizje pasi dje nuk u arrit një marrëveshje mes palëve politike për Reformën Zgjedhore.

Dje ishte afati i fundit i vendosur për finalizimin e Reformës Zgjedhore, por pas një mbledhjeje disa orëshe në Këshillin Politik palët nuk arritën në marrëveshje duke mos rënë dakord për të paktën 2 pika, atë të identifikimit biometrik dhe reformimit të administratës zgjedhore.

Ka përfunduar takimi i kreut të PD-së, Lulzim Basha me ambasadorët e SHBA, BE dhe Britanisë.

Kryeopozitari i priti ambasadorët në selinë blu rreth orës 15:00, një orë pas përfundimit të diskutimeve me aleatët.

Nuk dihen detaje nga diskutimet, ndërsa takimet vijnë një ditë pas dështimit të Këshillit Politik që të përfundonte brenda afatit, të cilin vetë e kishin caktuar, draftin konsensual të Reformës Zgjedhore.

Identifikimi biometrik, depolitizimi i administratës zgjedhore dhe Kolegji Zgjedhor ishin tri pikat e nxehta, ku palët nuk arrinin që të gjenin një formulë të mirëpranuar nga të gjithë.