Përgënjeshtron Prokuroria e Tiranës: Nuk kanë nisur hetimet për shefin e krimit ekonomik

Prokuroria e Tiranës ka përgënjeshtruar lajmin që ka qarkulluar një ditë më parë në media në lidhje me shefin e krimit ekonomik dhe financiar Erion Ismaili.

Porkuroia në një sqarim, ka treguar se nuk ka nisur veprime hetimore ndaj këtij shtetasi.

Sqarimi nga Prokuroria e Tiranës

Prokuroria pranë Gjykatës së Rrethit Gjyqësorë Tiranë, duke marr shkas nga interesimi i mediave të ndryshme, si edhe nga lajmet që kanë qarkulluar nëpër media dhe portale mediatike, në lidhje me shtetasin Erion Ismaili me detyrë Shefi i Sektorit për Hetimin e Krimit Ekonomik dhe Financiar, vlerëson të nevojshme që të informojmë opinionin publik që ky lajm nuk është i vërtetë.

Prokuroria pranë Gjykatës së Rrethit Gjyqësorë Tiranë , nuk ka filluar veprime hetimore ndaj shtetasit Erion Ismaili në lidhje me çështjen penale nr.2306 të vitit 2023, ku rezultojnë të arrestuar shtetasit E.S., F.Q. dhe M.K.

Kërkojmë mirëkuptimin e medias, që para se të publikojë lajme që i përkasin çështjeve penale, që po hetohen nga Prokuroria pranë Gjykatës së Rrethit Gjyqësorë Tiranë, të kërkojë informacion në mënyrë zyrtare, me qëllim informimin e saktë të opinionit publik