Përkeqësohet shëndeti i dy pushuesve që u goditën nga gomonia

Dy të rinj nga Tirana që pushonin në plazhin e Jalës kanë mbetur të plagosur paraditen e kësaj të shtune. Teksa gjendeshin në breg, një gomone i ka përplasur duke u shkaktuar dëme në fytyrë dhe trup.

Çifti ka marrë mjekim fillimisht në spitalin e Himarës, ndërsa mësohet se gjendja e tyre është rënduar dhe janë transportuar drejt spitalit të Traumës në Tiranë.

Policia bën të ditur se ka arrestuar pronarin e gomones turistike Gjergj Priftuli. 37-vjeçari ka humbur kontrollin mbi mjetin lundrues, teksa tentonte ta nxirrte atë në breg.

Ky aksident në një ndër plazhet më të populluara në vend, nxjerr edhe njëherë në pah mungesën e kontrollove dhe kufizimeve nga ana e policisë ndaj mjeteve lundruese.