Përkeqësohet situata nga shirat e dendur/ Shemben dy shtëpi

Si pasojë e reshjeve të dendura të shiut Policia e Dibrës raporton se janë dëmtuar 2 shtëpi në fshatin Arap i Poshtëm, njësia administrative Luzni.

Nga të njëjtat burime mësohet se është shembur gjysma e banesës dykatëshe të shtetasit A.Xh. si dhe çatia e shtëpisë së shtetasit L.U.

Si pasojë e dëmtimit të dy këtyre banesave nuk ka asnjë person të dëmtuar.

Policia e Komisariatit Dibër, dhe Shtabi i Emergjencave Civile Dibër, ndodhen në vendim e ngjarjes, në ndihmë të banorëve në nevojë.