Përmbytet Rruga e Arbrit , vështirësi në qarkullimin e mjeteve

Moti i keq ka përfshirë vendin. Reshjet e dendura të shiut kanë krijuar probleme në lëvizjen e mjeteve në Rrugën e Arbrit.

Raportohet se vërshimi i ujit ka përmbytur urën e Gjoricës në afërsi të urës së Çerenecit. Drejtuesit e mjeteve janë përballur në befasi me praninë e ujit, ndërsa shkak dyshohet të jetë mosfunksionimi si duhet i hapësirave të kullimit.

Problematike situata është edhe në By Pass-in e Murrizit, pasi ka rënie të vazhdueshme të gurëve, por që nuk janë bërë shkak për bllokimin total të qarkullimit të automjeteve.