Përshkallëzohet protesta në Durrës, turma e qytetarëve bllokon Portin

Është përshkallëzuar protesta në qytetin e Durrësit, ku një numër i madh qytetarësh kanë bllokuar portin e qytetit duke mos lejuar hyrjen dhe daljen e automjeteve.

Qytetarët fillimisht u drejtuan drejt autostradës Tiranë-Durrës, çka solli dhe mobilizimin e forcave të policisë për të mos lejuar bllokimin e rrugës. Por në momentin që arritën te Ura e Dajlanit, qytetarët i ngritën një rreng uniformave blu duke ndryshuar drejtim dhe duke shkuar drejt portit.

Bëhet me dije se hyrje-daljet në Portin e Durrësit janë bllokuar, ku një numër kamionësh që do të niseshin për eksport dejt Italisë nuk kanë mundur dot të futen në port.