Plagoset me eksploziv 27- vjeçari, dërgohet me helikopter në Tiranë
Mesditën e sotme një 27 vjeçari ka mbetur i plagosur rëndë si pasojë e një shpërthimi me eksploziv.
Ngjarja ka ndodhur në vendin e quajtur “Hani” Subash në Gjirokastër.
Vitjon Lluka po ruante gjedhët kur u shpërtheu lënda plasëse.
Ai është transportuar me helikopter drejt Spitalit të Traumës në Tiranë.
Dyshohet se eksplozivi iu është vendosur në shenjë hakmarrje, pas nj vrasje të ndodhur në vitin 2016.
Njoftimi policisë
“Më datë 25.02.2019, në vendin e quajtur “Hani” (kullotë) Subash, shtetasi V.LL, duke ruajtur gjedhët , dyshohet të jetë dëmtuar me lëndë plasëse, i cili është transportuar me helikopter drejt Spitalit të Traumës në Tiranë,”, raportoi policia.
Policia po punon për zbardhjen e rrethanave të ngjarjes.
Keni një histori? Denonco anonimisht, identiteti juaj mbrohet.
Denonco
