Plagosja në Tiranë, 5 mijë euro shpërblim për kapjen e autorit

Policia e Tiranës ka vendosur 5 mijë euro shpërblim për informacionet që do të çojnë në kapjen e shtetasit Saimir Xhafa, i ditëlindjes 4.1. 1988, banues në Tiranë.

Ky shtetas dyshohet si autor i plagosjes me armë zjarri të një 51-vjeçari, ngjarje e ndodhur në afërsi të xhamisë “Xhura”.

“DVP Tiranë fton qytetarët që të japin informacion për autorin e kësaj ngjarjeje dhe vendos shpërblim 5000 euro, për çdo informacion të vlefshëm që do të çojë në kapjen e autorit.

Drejtoria Vendore e Policisë Tiranë vendos në dispozicion të qytetarëve, numrin e telefonit 0694111546, duke garantuar anonimatin e plotë të çdo telefonuesi”, njoftoi Policia.