Plagosje me thikë në Vlorë, autori në pranga

Një plagosje me armë të ftohtë është shënuar mbrëmjen e sotme në qytetin e Vlorës.

Ngjarja ka ndodhur rreth orës 20:30, në lagjen “Pavarësia”, ku pas një konflikti për motive të dobëta, shtetasi Fjodor Zeqo, banues në Vlorë, ka goditur me thikë shtetasin Ilir Suloti, po ashtu banues në të njëjtin qytet.

I plagosuri është transportuar me urgjencë në Spitalin Rajonal të Vlorës, ku po merr ndihmën e nevojshme mjekësore. Burime nga spitali bëjnë me dije se gjendja e tij shëndetësore është e stabilizuar dhe ndodhet jashtë rrezikut për jetën.

Ndërkohë, autori i dyshuar është ndaluar menjëherë nga shërbimet e Policisë dhe është shoqëruar në ambientet e komisariatit, ku po kryhen veprimet procedurale për dokumentimin e plotë të rastit.

Policia ka nisur hetimet për zbardhjen e plotë të rrethanave dhe shkaqeve që çuan në konflikt.

Njoftimi i policisë:

Në datë 24.01.2026, rreth orës 20:30, në lagjen Pavarësia, Vlorë, pas një konflikti për motive të dobëta, shtetasi Fjodor Edmond Zeqo, i datëlindjes 27.02.1978, lindur dhe banues në Vlorë, ka plagosur me armë të ftohtë (thikë) shtetasin Ilir Suloti, i datëlindjes 08.09.1981, lindur dhe banues në Vlorë.

I dëmtuari ndodhet në Spitalin Rajonal të Vlorës, ku po merr ndihmën e nevojshme mjekësore.

Autori i kësaj ngjarjeje është kapur nga shërbimet e policisë dhe po kryhen veprimet proceduriale.