Plas sherri në Sarandë, goditet me thikë i riu, autori në kërkim

Një konflikt mes të rinjve ka përfunduar me përdorimin e thikës në Sarandë, duke lënë të plagosur një 29-vjeçar.

Sipas informacionit paraprak, shtetasi Gerald Papara është goditur me mjet prerës gjatë një përplasjeje të ndodhur në zonën e njohur si “Eukalipti”. Si pasojë e plagëve të marra, ai ka pësuar dëmtime, ndërsa rrethanat e plota të ngjarjes mbeten ende në hetim.

Policia bën me dije se është shpallur në kërkim autori i dyshuar, 19-vjeçari Aleksandër Muçodemi, banues në Sarandë, i cili akuzohet se ka kryer sulmin me thikë pas një konflikti për motive ende të paqarta.

Sipas njoftimit zyrtar, specialistët kanë referuar materialet në Prokurori dhe vijojnë punën për kapjen e të riut, si dhe për zbardhjen e plotë të rrethanave që çuan në këtë ngjarje të rëndë.