Po bënin gara me mjete sportive humb jetën 40-vjeçari në Durrës

Një aksident me pasojë vdekjen e një 40-vjeçari ka ndodhur këtë mbrëmje në Durrës.

Mësohet se A.M., humbi jetën pasi u përplas kokë më kokë me një makinë tjetër teksa bënin gara me mjete sportive.

Grupi hetimor dhe policia ndodhen në vendngjarje për të zbardhur shkaqet dhe rrethanat e aksidentit.

Njoftimi i Policisë
Në fshatin Pjesës, Shijak, tek Arena Kartin Albania 3, gjatë garave me mjete sportive, janë përplasur dy automjete.

Si pasojë e përplasjes ka humbur jetën njëri prej drejtuesve shtetasi A. M., 40 vjeç, banues në Fier.

Grupi hetimor ndodhet në vendngjarje dhe po punon për sqarimin e rrethanave të aksidentit.