Familja përbëhet nga dy të moshuar dhe një fëmijë i sëmurë, dhe gjendej në kushte mjaft të vështira ekonomike, por punonjësit e policisë kanë menduar për të ndihmuar këtë familje që banon në një fshat të largët të Korçës.
Pakot e ushqimeve të dhuruara kishin vlerën e 100 mijë lekëve, që do t’i shërbejnë familjes për të kaluar këto kohë të vështira, pas situatës së krijuar nga koronavirusi.
Punonjësit e policisë u kanë premtuar ndihmë të moshuarve për çdo nevojë që të kenë, ndërsa familja i ka falenderuar shumë.
Të tilla gjeste i duhen shoqërisë shqiptare, pasi ka shumë familje në nevojë që mezi ushqehen 1 herë në ditë, sidomos në këto kohë kur është ndërprerë pothuajse gjithçka.
