Policia e Shtetit, do t’i kthejë Bashës, selinë e SHQUP-it

Pas rrëzimit të Sali Berishës nga drejtësia, policia ka nisur masat kundër tij për të larguar forcërisht nga selia e PD, që ai e kishte uzurpuar. Planin operacional “Largimi” do të zbatohet më 8 janar 2023, dhe Berisha është informuar për këtë nga burime të brendshme të policisë. Megjithatë, ai ka vendosur të përdorë masën “Arrest shtëpie” në selinë e PD për të shkaktuar tensione. Policia,,ka paralajmëruar deputetët e Foltores të mos përfshihen në skenarët e tij anti-polici.

Sipas informacionit, është bërë gati plani operacional “Largimi”, fillimisht me kërkesën zyrtare, tashmë të dërguar kreut të Foltores, Sali Berisha, për t’u larguar vullnetarisht nga godina bashkë me grupin e tij.

Policia i ka kërkuar zyrtarisht Sali Berishës, që brenda datës 31 dhjetor 2023, të dorëzojë godinën te Ministria e Brendshme, si pronare e saj, që ia ka dhënë në përdorim PD-së.

Ish-ndërtesa e SHQUP, iu dha PD-së për zyra, me Vendimin Nr. 651, datë 16.08.2013 të ish-qeverisë “Berisha”, me propozim të ish-ministrit të Brendshëm, Flamur Noka; administrimin e të cilës, qysh prej asaj dite e ka Lulzim Basha si kryetar legjitim i kësaj partie.

Por prej 2 vitesh, godinën e ka uzurpuar me forcë Sali Berisha me grupin e tij Foltore, ndërsa qysh prill, korrik e nëntor 2022 ish kryetari në detyrë Enjkelejd Alibeaj dhe në gusht e tetor 2023 Lulzim Basha pas rizgjedhjes kryetar i PD, i kanë kërkuar Policisë së Shtetit, lirimin dhe rikthimin e selisë së partisë.