Një ngjarje e rëndë ka ndodhur ditën e shtunë rreth orës 12 në një lokal në zonën e Bllokut.

Burime tona  bëjnë me dije se brenda ambienteve të lokalit “De sharm” një person rreth 40 vjeç është qëlluar disa herë me thikë nga 2 persona, të cilët kanë qenë në të njëjtën tavolinë.

I plagosuri është transportuar në Spitalin e Traumës që ditën që ndodhi ngjarja.

41-vjeçari E.Dorzi dyshohet se është qëlluar rreth 27 herë me thikë brenda lokalit ku ndodhej.

41-vjeçari ndodhet në Spitalin e Traumës në gjendje kritike dhe sipas familjarëve ka 27 plagë në trup të shkaktuara nga goditjet me thikë dhe rrezikon që të paralizohet, pasi nuk i lëviz dot këmbët dhe duart.

Ndërkohë që policia është munduar të fshehë ngjarjen pasi nuk ka dhënë asnjë njoftim lidhur me ngjarjen.