Policia kufitare bllokon 11 mjete lundruese

Drejtuesit ndëshkohen me gjoba që shkojnë deri në 200 mijë lekë

Policia Kufitare ka ndërmarrë masa intensive për të monitoruar hapësirat detare dhe tokësore, në synim të garantimit të sigurisë së pushuesve. Në këtë kuadër, janë bllokuar 11 mjete lundruese në rrugën nga Dhërmiu në liqenin e Komanit, sepse ishin në paligjshmëri. Drejtuesit e këtyre mjeteve janë ndëshkuar me masa administrative nga 10,000 deri në 200,000 lekë të rinj. Në Durrës, një kapiten motopeshkareje libiane është ndëshkuar me masë administrative 300,000 lekë të rinj. Shërbimet e Policisë Kufitare po vazhdojnë të monitorojnë zonat ku lëvizin mjete lundruese nëpër të gjithë vendin për të verifikuar zbatimin e ligjit dhe rregullave të lundrimit, si dhe dokumentacionin e nevojshëm për drejtimin e tyre.