Policia sqaron rrethanat e aksidentit fatal në Elbasan, prangos shoferin

Në një njoftim për mediat, policia bën me dije se ka arrestuar shtetasin me inicialet D. P., 49 vjeç, banues në Elbasan.

Sipas bluve, në fshatin Tregan të Elbasanit, shoferi duke drejtuar mjetin autobus “ka kryer manovra të rrezikshme dhe për pasojë është rrëzuar nga autobusi pasagjerja”.

Policia tha se viktimë mbeti shtetasja M. K., 47 vjeçe, banuese në fshatin Jagodinë, Elbasan.

“E cila për shkak të plagëve të marra ndërroi jetë në spital”, sqarojnë blutë e qytetit.

Matrialet hetimore i kaluan Prokurorisë pranë Gjykatës së Shkallës së Parë Elbasan, për veprime të mëtejshme.