Politikanët e nisin ditën duke uruar festën e Kurban Bajramit
Politikanët e kanë nisur ditën e sotme me urimet për festën e Kurban Bajramit. Nga kryeministri Edi Rama, kryetarja e Kuvendit Lindita Nikolla
Edhe Ish-kryeministri Sali Berisha ka uruar besimtarët muslimanë për festën e Kurban Bajramit.
Përmes një postimi në Facebook, Berisha i kërkon besimtarëve t’i luten Zotit që të gjithë përkushtimin dhe sakrificën e çdo shqiptari ta shndërrojë në të mira për familjet dhe vendin e tyre.
Reagimi i Berishës:
Të dashur miq,
Besimtarët myslimanë shqiptarë sot kremtojnë ditën e Kurban Bajramit, ditën e mëshirës, durimit, përkushtimit dhe sakrificës së tyre ndaj Krijuesit për veten e tyre, familjen dhe vendin e tyre.
Ndaj dhe ju ftoj që së bashku le të urojmë nga zemra gëzuar këtë Ditë të Shenjtë, dhe t’i lutemi Zotit të Madh që të gjithë durimin, përkushtimin dhe sakrificën e çdo shqiptari ta shndërrojë në të mira për të, familjen dhe vendin e tij.
Gjithashtu deputetët e PD-së, Jorida Tabaku dhe Enkelejd Alibeaj, u kanë uruar festën besimtarëve myslimanë.
“GËZUAR KURBAN BAJRAMIN”, shkruan Rama.
“Urime gjithë besimtarëve myslimanë, me rastin e Festës së Kurban Bajramit, ditës që nderon sakrificën, përkushtimin dhe dedikimin ndaj Zotit!
Kurban Bajrami dëshmon dhe kremton fuqinë e Besimit për të kapërcyer dallimet mes kufijve, kulturave, komuniteteve e individëve dhe për të bashkuar njerëzit në emër të miqësisë, dashurisë e barazisë, me empati dhe zemra të hapura.
Gëzime e bekime për të gjithë besimtarët myslimanë dhe të gjithë shqiptarët!”, shkruan në urimin e saj kryeparlamentarja Nikolla.
“Gëzuar e me fat Kurban Bajramin!
Gëzuar për njerëzit që sakrifikojnë çdo ditë e përballen me vështirësite, pa harruar se përkushtimi mirësisë, dhimbsurisë për tjetrin dhe të bërit mirë në këtë botë është kuptimi i jetës. Gëzuar për ata që veç sakrificës së tyre mendojnë e tregohen bujarë e zemërgjerë, me më të varfrit, jetimët, të dobëtit e të vetmuarit.
Për të gjithë ju, sjelltë kjo festë, paqe e lumturi në zemrat tuaja e dashuria për tjetrin qoftë udhërrëfyese përherë”, shkruan Alibeaj.
“Dhe thuaj; E vërteta ka ardhur dhe gënjeshtra është zhdukur. Me të vërtetë e gënjeshtra përherë do të zhduket” (Isra:81)
Me këto vargje në gojë Profeti Muhamed shembi idhujt e rremë për ta rikthyer Mekën të pastër.
Për kë e viziton duke përkujtuar devotshmërinë e Ibrahimit dhe Ismailit. Dhe mbi të gjitha besimin e Haxheres dhe Ismailit. Shembuj që na mësojnë aq shumë për dashurinë e Zotit ndaj nesh!
Gëzuar Kurban Bajramin.
Hyrja e xhamisë së Et’hem Beut!”, shkruan Jorida Tabaku
Keni një histori? Denonco anonimisht, identiteti juaj mbrohet.
Denonco
