Prangoset i riu që u arratis nga gjykata, ishte fshehur në bodrum

Është lokalizuar 24-vjeçari, Saimir Ahmeti, i cili u arratis sot nga mjediset e gjykatës së Gjirokastrës.

Ai ishte futur për t’u fshehur në bodrumin e një hoteli në zonën e sipërme të Pazarit.  Ahmeti u arratis sot nga tualeti i gjykatës, teksa po shoqërohej në sallën e gjyqit.

I burgosuri është arratisur nga salla e gjyqit në Gjykatën e Apelit në Gjirokastër. I arratisuri është akuzuar për ‘përndjekje’ dhe në çastin e arratisjes ka qenë duke shkuar për në sallën e gjyqit. Ngjarja ka ndodhur paraditen e sotme dhe policia nisi menjëherë kërkimin për arrestimin e tij.