Presidenti Meta: Opinioni i “Venecias” nuk ka vend për interpretime, është koha për ta zbatuar

Presidenti i Republikës, Ilir Meta thotë se nuk është momenti për interpretime mbi opinionin e Komisionit të Venecias për emërimet e anëtarëve të Gjykatës Kushtetuese.

Sipas Presidentit, tani është koha për ta zbatuar këtë opinion në lidhje me emërimet e anëtarëve të rinj të dy gjykatave, si e vetmja rrugë sipas tij, për hapjen e negociatave.

Postimi i plotë:

PO, NUK KA MË VEND PËR INTERPRETIME!
Tani është koha për ZBATIMIN KORREKT TË REKOMANDIMEVE TË KOMISIONIT TË VENECIAS, PËRMES BASHKËPUNIMIT TRANSPARENT DHE KONSTRUKTIV.
Është shumë e rëndësishme që Komisioni i Venecias do të ndjekë edhe zbatimin e rekomandimeve të tij të fundit për Gjykatën Kushtetuese dhe Gjykatën e Lartë.
Po kështu rekomandimet e Komisionit të Venecias janë në ndjekje nga Parlamenti Europian dhe vendet anëtare.
Kjo është e vetmja rrugë drejt çeljes së negociatave dhe funksionimit të shtetit ligjor.