Presidenti Meta reagon ashpër: Hapje 100% e listave

Pas publikimit të një raporti për numrin e azilantëve shqiptarë në Evropë, Presidenti i Republikës, Ilir Meta reagon ashpër, duke theksuar se Shqipëria nuk e meriton këtë renditje.

Sipas tij, hapi i pari për rikthimin në Drejtimin e Duhur (Slogani i përdorur nga PS në zgjedhjet lokale të 2015) të vend, duke respektuar marrëveshjen e 5 qershorit.

“Mjaft me Drejtimin e Gabuar të autoritarizmit, arrogancës, korrupsionit dhe marrëzisë”- apelon ai.

Reagimi i plotë:

Shqipëria nuk e meriton të renditet midis këtyre vendeve!

Shqipëria meriton vetëm të ardhme evropiane!

Mjaft me Drejtimin e Gabuar të autoritarizmit, arrogancës, korrupsionit dhe marrëzisë, që po i varfëron dhe po i lodh kaq shumë  shqiptarët, duke i detyruar të largohen nga vendi.

Hapi i parë për rikthimin në Drejtimin e Duhur është respektimi pikë për pikë i Marrëveshjes së 5 Qershorit dhe mos devijimi prej saj as një milimetër.

Të rikthejmë shpresën duke rikthyer sovranitetin në duart e popullit, me hapjen e listave 100% dhe plotësimin e të gjitha kushteve të BE!