Presidenti Meta tjetër reagim: Nesër duhet të jetë Festa e Demokracisë!

Presidenti i Republikës, Ilir Meta në një tjetër reagim në facebook thotë se kriminelët janë të veshur me uniformë dhe se gjenden brenda sistemit gjyqësor dhe të prokurorisë

Kreu i Shtetit i ka bërë thirrje që të mos ndikohen nga politika dhe të bëhen palë, por të ruajnë integritetin e detyrës.

Postimi i plotë:

Kriminelët janë kudo të rrezikshëm.

Por më të rrezikshmit janë kriminelët e veshur me uniformë, janë ata që gjenden brenda sistemit gjyqësor dhe të prokurorisë.

Prandaj thirrini mendjes, zbatoni ligjin, qëndroni larg ndikimeve politike, mos u bëni palë dhe ruani integritetin e detyrës.

Përmbushni detyrën pa asnjë vonesë dhe mos e detyroni Popullin t’ju arrestojë në flagrancë përmes ligjit, që Kuvendi i Shqipërisë ka miratuar.

Presidenti i Republikës është gjithmonë me Kushtetutën dhe Sovranin.

Presidenti i Republikës është gjithmonë gati për të marrë përgjegjësinë për çdo Dekret në mbrojtje të Zgjedhjeve, Demokracisë dhe Popullit nga dhuna e oligarkisë!

Nesër duhet të jetë Festa e Demokracisë.