Prezantohet opsioni i ri, Google Maps tashmë ju kursen edhe karburant

Në vitin që shkoi, Google nisi të ofrojë mënyra alternative të navigacionit të automjeteve, ku në vend të udhëtimit më të shkurtër, ofron rrugë më efikase për konsumin e karburantit. Mirëpo problem është se motorët me benzinë zënë pjesën më të madhe të flotës amerikane të automjeteve, gjithnjë e më shumë motorë hibridë, elektrikë dhe motorë me naftë kanë filluar të shfaqen në rrugë.

Ndërkohë versioni më i fundit beta i Google Maps përpiqet ta zgjidhë këtë problem duke futur një mënyrë, në të cilën përdoruesi zgjedh motorin e automjetit të tij dhe ‘optimizon’ rrugën për konsum minimal. Portali 9to5Google thekson se zgjedhja e motorit do të jetë në kërkesën e navigacionit, si dhe në cilësimet e aplikacionit.