Presidenti Ilir Meta reagon pas lajmit se Princi i Monakos, Alberti II ka rezultuar pozitiv në testin për virusin Covid-19.
Meta i uron atij shërim të shpejtë rikthim në krye të punëve të tij. Meta thotë se Alberti II është një mik i shkëlqyer i Shqipërisë.
“Me shqetësim mora lajmin e prekjes nga pandemia globale COVID 19, të Princit të Monakos, Lartësisë së Tij të Përndritur, Alberti II, mik i shkëlqyer i Shqipërisë.
Duke i uruar shërim të shpejtë dhe të plotë, i shpreh Lartësisë së Tij, familjes dhe të gjithë popullit të Principatës së Monakos, solidaritetin dhe mbështetjen time e të popullit shqiptar!
Kontributi i Tij i vlefshëm për të ardhmen e Principatës së Monakos është i pazëvendësueshëm, sidomos në këto kohë sfidash të mëdha që të gjithë kombet kanë përpara!
Shpresoj që Lartësia e Tij e Përndritur, Alberti II të kthehet së shpejti në krye të punëve të Tij tepër të rëndësishme”, shkruan presidenti Meta.
