Protesta e nesërme e Aleancës për Mbrojtjen e Teatrit

Kryemadhi do të diskutojë për planin e protestës së nesërme, e cila organizohet nga Aleanca për Mbrojtjen e Teatrit në orën 16:30, në sheshin para Ministrisë së Brendshme.

Kujtojmë që Kryemadhi u shoqërua në Komisariat gjatë protestave të ditës së sotme kur u prish godina e Teatrit Kombëtar, ndërsa pas daljes ajo ka protestuar në shesh, duke u ulur në mes të rrugës.

Ende nuk dihet se çfarë do të organizojë LSI për nesër, por mendohet të jetë një thirrje masive për të gjithë mbështetësit e saj nga e gjithë Shqipëria.