PROTESTA LIVE/ Tensionohet situata në Bulevard, protestuesit thirrje Policisë: Hiqni kapelet
Vazhdon situata e tensionuar në Bulevardin para Ministrisë së Brendshme.
Prej disa orësh Policia mban të rrethuar perimetrin përqark Teatrit Kombëtar.
Pak më parë janë shoqëruar në Polici dy ish-deputetët e LSI-së, Endrit Braimllari dhe Floida Kërpaçi.
Tensionohet sërish situata në protestën e Teatrit Kombëtar mes protestuesëve dhe policisë.
Nën thirrjet “poshtë diktatura”, protestuesit kanë shkatërruar barrierat metalike për të hyrë në ambientet e rrënojave te Teatrit Kombëtar i cili u shemb sot në orët e para të mëngjesit.
Qytetarët që ndodhen në protestë të revoltuar u kanë kërkuar forcave të policisë që të heqin kapelet dhe të mos zbatojnë urdhrin, duke vijuar kështu përleshjet trup më trup me to.
Kujtojmë se prej orësh vijojnë përplasje të forta mes policisë dhe protestuesëve ku ka pasur dhe disa të shoqëruar në komisariat.
Keni një histori? Denonco anonimisht, identiteti juaj mbrohet.
Denonco
