Protesta para Kuvendit, 5 qytetarë të shoqëruar nga policia

Ka shkuar në pesë numri i qytetarëve të shoqëruar nga Policia e Shtetit gjatë protestës së zhvilluar këtë të enjte para godinës së Kuvendit të Shqipërisë.

Sipas informacioneve paraprake, personat janë shoqëruar drejt Komisariatit nr. 1 në Tiranë, pas përplasjeve dhe tensioneve të krijuara gjatë zhvillimit të tubimit.

Protesta vijon ende para Parlamentit, ku qytetarë të shumtë kanë rrethuar godinën e Kuvendit dhe po vijojnë me thirrjet e tyre kundër qeverisë. Protestuesit kërkojnë dorëheqjen e kryeministrit Edi Rama, duke shprehur pakënaqësinë ndaj situatës politike në vend.

Ndërkohë, në zonë vijon prania e shtuar e forcave të rendit, me efektivë të Policisë së Shtetit dhe të Forcave të Ndërhyrjes së Shpejtë (FNSH), të angazhuar për menaxhimin e situatës.