Protesta, studenti: Na kanë shantazhuar prindërit

Një prej studentëve organizator të protestës është shprehur se prindërit e tyre janë shantazhuar në mënyrë që fëmijët të shkojnë në fakultete e të mos dalin në protestë.

Studentët, të mbledhur para kryeministrisë kanë shprehur pakënaqësitë e tyre ndaj vendimit të Këshillit të Ministrave që Rama publikoi në lidhje me plotësimin e 8 kërkesave që ata kanë.

Ata kërkojnë ndryshimin e ligjit të arsimit të lartë.

 “VKM, kryeministri i ndryshon në çdo moment. Duhet votimi i plotë i kërkesave tona të bëhet në parlament dhe të amendojë ligjin, që kushdo të vijë në qeveri mos të guxojë ta prekë ligjin e arsimit të lartë”, tha një prej studentëve protestues.

Drejtimin e disa studentëve për në auditore, studentët protestues e quajnë nënshtrim ndaj sistemit, gjë që nuk duhet të ndodhë.

“Qëndroni të bashkuar, merrni shkokët edhe shoqet, kjo protestë është për gjithë rininë”, u shpreh njëri prej tyre.