Protestuesit zhvendosen para kryeministrisë

Protesta për vrasjen e Klodian Rashes minute pas minute

ORA-19:12 Qytetarët futen mes trafikut dhe qarkullimit të makinave

ORA-19:10 Qytetarët jane zhvvendosur nga kryeministria per tu drejtuar drejt Policisë së Tiranës, ku do të kërkojnë dorëheqjen e Drejtorit të Policisë, Ardi Veliu. 

ORA-18:57 Protestuesit mbërrijnë përpara kryeministrisë dhe këndojnë himnin kombëtar. Ata kanë bërë thirrje “Drejtësi për Klodianin”

ORA 18:50- Ndërkohë turma e qytetarëve i është drejtuar kryeministrisë, policia ka bërë gati botet me ujë, për të shpërndarë protestuesit nëse do të ketë dhunë.

ORA 18:43: Protestuesit marshojnë nga sheshi Skënderbej tek bulevardi “Dëshmorët e Kombit” dhe kryeministrisë.

ORA 18:40 Qytetarët vazhdojnë të protestojnë në sheshin “Skënderbej”. Protesta e tyre deri tani është paqësore dhe nuk ka pasur dhunë. Ndërkohë edhe nga ana e policisë nuk ka asnjë shoqërim.

ORA 18:30 –“Ardi Veliu ka tentuar të manipulojë provat për vrasjen e Klodian Rashës”, tha një protesutes.

ORA 18:20 -Qytetarët u grumbulluan në sheshin Skenderbej, por policia tentoi ti shperndante me arsyetimin se nuk lejohet grumbullimi i me shume se 10 personave.

Të rinjtë u mblodhën mbledhur në orën 18:00 në sheshin “Skënderbej” për të vazhduar më pas me një marshim në Bulevardin “Dëshmorët e Kombit”. Më pas ata do t’i drejtohen edhe Drejtorisë së Policisë në Tiranë.

Ndërkohë nga ana e policisë janë marrë masa për mbarëvajtjen e kësaj protestë, të cilën autoritetet policore e konsiderojnë të paligjshme.

900 efektivë policie do të angazhohen në terren për të monitoruar protestën.  Një vëmendje e veçante i është kushtuar ruajtjes së institucioneve, ku ka prani të shtuar të policisë.

Autoblindat perbri Ministrise se Brendshme

Pamjet e Policise ne zonen e ish-Bllokut, ku ushtrohen kontrolle ndaj protestuesve