Partia Socialiste refuzon propozimin e Opozitës së Bashkuar për hapjen 100% të listave me kusht që të mos preken koalicionet parazgjedhore.
Burime nga mbledhja e Këshillit Politik bëjnë me dije se përfaqësuesi i maxhorancës, Damian Gjiknuri është shprehur kundër këtij propozimi.
Propozimi për hapjen e listave u bë fillimisht nga përfaqësuesja e opozitës parlamentare Rudina Hajdari, e cila kërkoi hapjen 100% të listave, dhe jo 1/3. Kjo nismë u mbështet nga kryeministri Edi Rama i cili shtoi edhe ndryshimin kushtetues për heqjen e koalicioneve parazgjedhore.
Së fundmi Basha tha se pranon hapjen e 100% të listave, me kusht që të mos preken koalicionet parazgjedhore dhe formula e shpërndarjes së mandateve.
