PSG eliminon Barçën nga Liga e Kampionëve, Mesi shënon supergol dhe humbet penallti

Ndodhi ajo që pritej, PSG eliminon Barcelonën në fazën çerekfinale të Ligës së Kampionëve. Pas triumfit 1-4 në sfidën e parë, francezët e Poçetinos, u mjaftuan me një barazim në shtëpi, për të vijuar për më tej.

Kilian Mbape zhbllokoi i pari sfidën në minutën e 31-të, pas 11-metërshit të fituar nga Mauro Ikardi, duke kaluar përkohësisht në avantazh kryeqytetasit. Festa e PSG-së në këtë sfidë zgjati vetëm 6 minuta, teksa në të 37-tën, Lionel Mesi nxori nga repertori i tij një supergol, teksa shtangu portiere Keilo Navas, me një predhë nga distance, duke e dërguar topin në trekëndësh.

“Pleshti” kishte shansin e artë në shtesën e pjesës së parë, për të përmbysur shifrat, por gaboi nga pika e bardhë e penalltisë, teksa gjuajta e tij u ndal nga Navas. Pjesa e dytë, pavarësisht tentativave të të dyja skuadrave, nuk prodhoi gola.

FT: PSG – BARCELONA 1-1

Mbape 31′ (p) / Mesi 37′

PENALLTIA E HUMBUR E MESIT: 

SUPERGOLI I MESIT: 

GOLI I MBAPE ME PENALLTI:

FORMACIONET ZYRTARE: