Publikohet lista e Dardanëve, Kosova i “rrëmben” lojtarin Zvicrës

Trajneri i Kosovës, Franco Foda, ka shpallur listën me 24 futbollistë për dy ndeshjet kualifikuese të Botërorit ndaj Sllovenisë (10 tetor) dhe Suedisë (13 tetor).

Risia më e madhe në listë është Albian Hajdari, mbrojtësi që ka vendosur të përfaqësojë Kosovën në vend të Zvicrës, duke i dhënë një tjetër goditje përfaqësueses helvete.

Në listë rikthehen edhe Edon Zhegrova dhe Milot Rashica, që munguan në grumbullimin e fundit për shkak dëmtimi. Kapiteni Amir Rrahmani nuk është përfshirë për shkak dëmtimi, ndërsa Bersant Celina mbetet jashtë.

Pas dy ndeshjeve të para, Kosova ndodhet në vendin e dytë të Grupit B me 3 pikë, pas Zvicrës që kryeson me 6.