Kryetarja e Komitetit Teknik të Ekspertëve, Mira Rakacolli në Komisionin e ligjeve ka deklaruar se shumica e infeksioneve është marrë në ambientet e mbyllura bar/ restorante.
“Është parë që shumica e këtyre infeksioneve është marrë në ambientet e mbyllura bar/ restorante, dhe s’kanë qenë asnjëherë të hapura. Pra në efektin e muzikës, alkool, është krijuar mundësia që mos ruajnë distancën, të rrijnë më gjatë”, tha ajo.
Kësisoj ajo bën apel që të merren masa parandaluese në mungesë të kurimit. ”Në këtë periudhë kemi shtim të të rinjve të infektuar, në spitale, nga 20- 40 vjeç. Dua të theksoj se shumica e të rinjve nuk vuajnë nga sëmundje bashkëshoqëruese. Janë të shkaktuara vetëm nga COVID-19. Kjo situatë nuk është vetëm në Shqipëri, por gjithë botën. Kosova ka shumë numra, Maqedonia ka shumë, mos flasim për Serbinë. Ka probleme dhe në SHBA apo vende të tjera.
Pra për mos arritur në këto situata, kemi menduar të vazhdojmë të mbajmë situatën në kontroll., siç e kemi thënë që kjo sëmundje nuk ka vaksinë, mbetet parandalimi. Është parë që shumica e këtyre infeksioneve është marrë në ambientet e mbyllura bar/ restorante, dhe s’kanë qenë asnjëherë të hapura. Pra në efektin e muzikës, alkool, është krijuar mundësia që mos ruajnë distancën, të rrijnë më gjatë.
Pra kemi propozuar që të merren këto masa shtrënguese për momentin që të përballojmë situatën, dhe mos kalojmë në situatat e frikshme që kanë kaluar vende më të fuqishme se ne. është përcaktuar dhe organi i kontrollit që do të jetë Policia e Shtetit”, tha Rakacolli.
Rovena Daja, ISHP
Fatkeqësisht nuk e kanë fituar dot betejën me sëmundjen në spitalin Covid2 “Shefqet Ndroqi” 6 qytetarë: Një 49 vjeçar nga Shkodra, një 54 vjeçar nga Mirdita, një 58 vjeçar nga Tirana, pa sëmundje të tjera. Si dhe një 56 vjeçar, një 68 vjeçar dhe një 76 vjeçare, nga Tirana, me sëmundje bashkëshoqëruese.
Ndërkaq, 117 raste te reja janë konfirmuar pozitive.
Dr. Rovena Daja -Instituti i Shëndetit Publik
Ministria e Shëndetësisë dhe Mbrojtjes Sociale ju informon për situatën epidemiologjike në vend në 24 orët e fundit.
Ka vijuar rritja e rasteve të reja edhe gjatë javës që lamë pas. Mesatarja javore e rasteve të reja ka qenë rreth 96 raste në ditë. Vihet re se ka pasur një rritje të ndjeshme të shtrimeve në dy spitalet Covid. Situata paraqitet serioze pasi është rritur gjithashtu numri i pacientëve në terapi intensive dhe i atyre të intubuar, që është shoqëruar fatkeqësisht me humbje jete.
Ndaj i drejtohemi me një thirrje të gjithë qytetarëve të tregojnë kujdes me respektimin e masave, duke u rikujtuar detyrimin ligjor për të vendosur maskën në çdo ambient të mbyllur, për respektuar distancën dhe ruajtur higjienën.
Fatkeqësisht nuk e kanë fituar dot betejën me sëmundjen në spitalin Covid2 “Shefqet Ndroqi” 6 qytetarë: Një 49 vjeçar nga Shkodra, një 54 vjeçar nga Mirdita, një 58 vjeçar nga Tirana, pa sëmundje të tjera. Si dhe një 56 vjeçar, një 68 vjeçar dhe një 76 vjeçare, nga Tirana, me sëmundje bashkëshoqëruese.
Ministria e Shëndetësisë dhe Mbrojtjes Sociale i shpreh ngushëllimet familjarëve.
Aktualisht në spitalin Infektiv dhe spitalin “Shefqet Ndroqi” po trajtohen 114 pacientë, 19 janë në terapi intensive dhe 3 pacientë janë të intubuar
Ju informojme per situaten epidemiologjike në 24 orët e fundit: Janë kryer 500 testime për të dyshuar të prekur me COVID19, nga të cilat janë konfirmuar 117 raste pozitive.
Shpërndarja gjeografike e rasteve është si vijon: 63 raste në Tiranë, 10 në Durrës, 8 në Fier, nga 4 raste në Kukës, Has, nga 3 raste në Krujë, Lushnje, nga 2 raste në Korçë, Elbasan, Kavajë, Tepelenë, Divjakë, dhe nga 1 rast në Shkodër, Kurbin, Lezhë, Vlorë, Mirditë, Mallakastër, Përmet, Sarandë, Dibër, Himarë, Klos, Shijak.
Gjatë 24 orëve të fundit janë shëruar 63 qytetarë, duke e çuar numrin e të shëruarve në 2745, që nga fillimi i epidemisë.
Ministria e Shëndetësisë dhe Mbrojtjes Sociale i bën thirrje qytetarëve të ndjekin sistemin e referimit: Telefononi në numrin unik të Urgjencës Kombëtare 127 nëse keni shenja të sëmundjes, dhe në linjën e gjelbër 0800 40 40 për informacion rreth Covid19 apo këshillim psikologjik
COVID-19 – Statistika (27 Korrik 2020)
Testime totale 39183
Raste pozitive 4880
Raste të shëruara 2745
Raste Aktive 1991
Humbje jete 144 (Qarku Tiranë 76, Shkodër 22, Durrës 19, Fier 6, Elbasan 5, Kukës 4, Vlorë 4, Korçë 3, Dibër 2, Lezhë 2, Berat 1)
Shpërndarja gjeografike e rasteve aktive sipas qarqeve:
Tiranë 1082
Durrës 230
Shkodër 198
Vlorë 100
Lezhë 83
Fier 72
Korçë 67
Elbasan 48
Kukës 44
Berat 29
Gjirokastër 21
Dibër 17
