Rama akuzon Berishën dhe Bashën: Nuk kam asnjë respekt, as për ‘Lulin tim’ dhe as për ‘Saliun tënd’!

Kryeministri Edi Rama ka akuzuar Sali Berishën dhe Lulzim Bashën se të dy janë pengmarrësit e demokrateve.

Sipas tij Basha nuk guxoi të provonte se kishte apo jo shumicën, ndërsa sipas tij Berisha “është ngritur nga varri për të luftuar si i marri”.

“Nuk kam asnjë respekt as për ‘Lulin tim’ dhe as për Saliun tënd. Janë 2 pengmarrësit e demokratëve. Sot zihen të dy se kush është shërbëtori im. Njëri thotë jo ‘pengu’ dhe tjetri jo tubi i oksigjenit. Dhe ia thonë pikërisht demokratëve duke i trajtuar si budallenj. Të dy për interesin e tyre krejt personal.

Vetëm ky interes mund ta mbajë një udhëheqës të një partie politike si të ishte një princ mesjetar i mbyllur në një kështjellë që nuk guxon të dalë dhe të thotë ‘ja ku më keni, ta provojmë kush e ka shumicën’.

Nuk po e diskutoj tjetrin fare se është shumë e qartë se çfarë është. Qëndronte atje pas se kishte lënë këtë dhe ky i bënte çdo gjë që donte ai. E ka mbrojtur këtë më shumë se sa ky dinte të mbrojte veten e vet. E kishte administratorin e pronës. Por mirëpo ja që bota u rrotullua ndryshe”, tha Rama.