Rama: Anti-KÇK edhe për ata që kanë përdhunuar dhe shitur vajzat

Kryeministri Edi Rama nga foltorja e Kuvendit thotë se paketa anti-KÇK është fytyra e qeverisë së tij.

“ Është e vërtetë paketa anti KCK është fytyra e qeverisë sonë, 100%. Nga ana tjetër ju siguroj se shqiptarët nuk pyesin për syzet e diellit pa ditë me shi të asaj vajzës, por pyesin çdo ditë e më shumë për shiun e lotëve të shumëkujt që ka një zë në publik përfshirë edhe juve, për ata që ua kanë fshirë diellin nga sytë, viktima të krimit të organizuar

Ne i shpallim luftë krimit, ngrihet koalicioni për ta përkrahur. paketa anti-KÇK është për prindërit që kanë parë vajzat e përdhunuara

Për ata që u kanë fshirë diellin nga sytë të mijëra vajzave të trafikuara në rrugët e Evropës.

I kanë fshirë diellin nga sytë mijëra prindërve që i shikojnë fëmijët të droguar.

I kanë fshirë diellin nga sytë shumë jetimeve që kanë mbetur pa baballarë që ja kanë vrarë këta,” deklaroi ndër të tjera kryeministri Edi Rama.