Rama e bën publik vendimin për Haki Çakon: Nuk e shkarkova unë,

Kryeministria ka publikuar vendimin për shkarkimin e Haki Çakos nga detyra e Drejtorit të Përgjithshëm të Policisë së Shtetit. Sipas njoftimit zyrtar, vendimi është marrë në mbledhjen e Qeverisë, ndërsa ai ka hyrë në fuqi menjëherë.

“Në mbështetje të nenit 100 të Kushtetutës dhe të pikës  3,  të nenit 15, të ligjit nr.108/2014, “Për Policinë e Shtetit”, të ndryshuar, me propozimin e ministrit të Brendshëm, Këshilli i Ministrave, vendosi  z. Haki Çako, Drejtor i Përgjithshëm i Policisë së Shtetit, lirohet nga kjo detyrë. Ky vendim hyn në fuqi menjëherë”, thuhet në vendimin e publikuar në faqen e Qeverisë.

Kryeministri Edi Rama është akuzuar disa herë si mbrojtësi i Çakos në detyrën e Drejtorit të Përgjithshëm të Policisë, edhe pse prej më shumë se dy vitesh ai është akuzuar i publikisht nga opozita. Madje Çako u morr nën hetim nga prokuroria edhe për pajisjen e përgjimit Imsi Catcher, ndërsa në atë kohë ai thjesht u pezullua nga detyra disa javë.