E quan veten të pazëvendësueshëm : Çdo lloj forme tjetër qeverisjeje, me lojtarë të vjetër e të rinj në fushë, është kërcënim për kthimin e vendit mbrapa

Kryeministri Edi Rama në një takim në Dibër në kuadër të procesit për rienergjizimin e PS, është shprehur lidershipi i forcës së tij politike është e pazëvendësueshme.

Rama tha se çdo lloj forme tjetër qeverisjeje që përfshin të tjerë në kushtet e sotme, me çfarë ka sot fusha lojtarë të vjetër e të rinj që janë më të vjetër se të vjetrit kur i dëgjon, është një kërcënim për kthimin e vendit mbrapa.

“Vitet që kemi përpara janë të vështirë për të realizuar shumë detyra në të gjitha gradat e shikimit, 360 gradë duhet të përmirësojmë dhe realizojmë gjëra si Shqipëri. Kjo kërkon lidership dhe lidershipi i PS është e pazëvendësueshme. Çdo lloj forme tjetër qeverisjeje që përfshin të tjerë në kushtet e sotme, me çfarë ka sot fusha lojtarë të vjetër e të rinj që janë më të vjetër se të vjetrit kur i dëgjon, është një kërcënim për kthimin e vendit mbrapa”, tha Rama.

Duket se Rama po jeton në një realitet paralel dhe duke vallëzuar mes korrupsionit dhe parave të pista, allishverishet me Aleks Sorosin dhe oligarkët dhe me njé drejtësi qe ndikohet nga qeveria e ka zënë Sindroma e pazëvendësueshmërisë!