Rama e thotë hapur: Kush nuk paguan dritat, s’do ketë drita!

Kreu i qeverisë u tregua i qartë duke thënë troç që kush nuk paguan dritat nuk do ketë drita. Sipas Ramës, falja e kamatvonesave është e mjaftueshme.

“Taksat dhe sigurimet do paguhen. Se përndryshe nuk shkojmë dot përpara, dhe do përfundojmë në ndonjë gropë që as korona nuk na gjen dot. Kush nuk paguan drita nuk do ketë drita. Këtu nuk është bërë deti kos. Mospagesa e dritave krijon një zinxhir problemi për të gjithë. Mospagesa e dritave nuk negociohet. Pikë. Kemi fshirë kamatvonesat. Kush thotë s’kam mundësi të paguajë, të fillojë të kursejë. Nuk kemi luksin të futemi prapë në një krizë energjitike dhe të merremi me OSHEE…”