Rivale e Erion Veliajt, Belinda Balluku shtrin “tentakulat” në Bashkinë e Tiranës?

“Loja” me postin e drejtorit të UKT-së, si u vendos në krye njeriu i saj

Pas arrestimit të Erion Veliajt në Bashkinë Tiranë ka filluar operacioni “fshesa” për largimin e njerëzve të tij të besuar nga institucioni vendor.

Ina Goxhaj, të cilës Veliaj i dërgoi firmën, por që më pas u tërhoq, si edhe Alban Dokushit, radhën e kishte drejtorit i Ujësjellës Kanalizimeve Tiranë (UKT)/

Kostandin Budurushi u emërua nga kryebashkiaku vetëm pak kohë para se të arrestohej nga SPAK, por kryetarja në detyrë Anuela Ristani e ka hequr nga detyra.

Ky vendim raportohet se ishte një “hakmarrje” nga ana e Ristanit, pasi Kostandin Budurushi kishte shkarkuar nga puna bashkëshortin e saj, Bledi Çikopana, një ish-punonjës i UKT-së.

Në krye të UKT-së, Anuela Ristani kishte planifikuar të emëronte Kujtim Nanaj, një të besuar të bashkëshortit të saj dhe të ish-drejtorit të UKT-së Elton Kacidhes.

Por në momentin e fundit Edi Rama, i cili konsiderohet si kryebashkiaku “de facto” i Bashkisë së Tiranës, ka ndërhyrë duke emëruar në krye të UKT-së, Skerdi Drenovën.  Ndërkohë, Kujtim Nanaj është emëruar në postin e nëndrejtorit të UKT-së.

Drejtori i ri UKT-së, Skerdi Drenova ka mbajtur disa poste të rëndësishme në institucionet në varësi të Mininistrisë dhe Infrastrukturës dhe Energjitikës, së drejtuar nga Belinda Balluku, ndaj mendohet se kjo është një shtrirje e “tentakulave” të saj në Bashkinë e Tiranës që de jure drejtohet nga rivali i saj brenda partisë.

Që prej Janarit të vitit 2019, Skerdi Drenova ka mbajtur postin e drejtorit të Operatorit të Sistemit të Transmetimit (OST), deri në Janar të këtij viti, kur Balluku vendosi ta shkarkonte nga kreu i OST-së dhe e emëroi në postin e drejtorit tek “Albgaz” sh.a. e cila është një shoqëri aksionere me 100% të aksioneve të zotëruara nga shteti shqiptar.