Rama fton të rinjtë e FRPD-së në podkastin e tij : Jam i lumtur që…

Kryeministri Edi Rama në episodin e radhës të podkastit “Flasim” ka ftuar të rinjtë e FRPD-së.

Rama është shprehur se kjo është ndeshja e kthimit, pasi e ftuan të hidhte valle në gojën e ujkut edhe ai po bën të njëjtën gjë.

Kryeministri theksoi se tre përfaqësuesit e FRPD të Vlorës janë trima dhe nuk iu bën syri tërr, edhe pse kanë marrë kritika nga kampi opozitar.

“Sot është ndeshja e kthimit, pasi u ftova të hedh valle në gojë të ujkut kam ftuar ata që më ftuan të hedhin valle në gojë të ujkut. Jam këtu me tre përfaqësues të rinisë opozitare. Jam i lumtur që më është dhënë mundësia që të shoh pushtetin tonë vendor përmes syve të tyre.

Ata janë vlonjatë, janë trima, nuk iu bën syri tërr”, tha Rama.