Rama i dorëzon Florian Markut medaljen ‘Ylli i Madh i Mirënjohjes’: Suksesi i tij është kuqezi, na nderon te gjithëve

Edi Rama: Fati e deshi të mblidhemi dy herë brenda pak kohësh. Për Luiza Gegën dhe Florian Markun. Thanë se nderimi i Luiza Gegës ishte përpjeke për të marrë pjesë në suksesin e saj. Nuk është e vërtetë që Luiza ka vrapuar vetëm, pavarësisht se suksesi është i gjithë i saj.

Suksesi i Florianit është Kuqezi. Në aspektin ceremonial, ne e kemi bërë dallimin. Kemi nderuar Luizën me kordonin e madh, që është më I larti në shkallën e vlerësimeve që ju takon personaliteteve shumë të larta politike apo shoqërore. Luiza është së bashku me Angela Merkelin. Pas kordonit vjen ylli i madh që e kemi bërë për një sërë personalitetesh, përfshirë dy ambasadorë të rëndësishëm.

Sot e bëjmë këtë vlerësim për një ambassador të Shqipërisë që prejardhjen e ka në Kosovë dhe në Myzeqe. Floriani ka shkuar në Greqi që i vogël, Austri dhe Britani të Madhe. Prandaj për këtë ceremoni duhet të buzëqeshni. Jam mirënjohës Florianit, që e ndëron këtë godinë me praninë e tij, siç ishte Luiza. Sot nuk ka më protagonist të sportit të braktisur.