Rama i jep vajzës së Petro Markos certifikatën e banesës së trashëguar: Do ta kthej në muze

Në Himarë, kreu i qeverisë shpërndau sot certifikatat për shtëpitë e trashëguara në zonat kadastrale.

Në mesin e banorëve të Himarës që morën sot certifikatën e pronësisë, ishte edhe vajza e shkrimtarit të mirënjohur, Petro Mako.

Gjatë takimit me kreun e qeverisë, ajo u shpreh se shtëpinë do ta kthejë në një muze.

“Është hera e parë që takohemi, ju faleminderit. Më keni kthyer shumë dinjitetin e familjes së Petro Markos, jo vetëm me këto, por me çfarë keni bërë. U jam mirënjohëse. Babai im Petro Marko nuk do të hyjë në shtëpinë e tij, por kujtimi i tij, shpirti i tij dhe jeta e tij do të jenë gjithmonë aty. Unë do mundohem që atë dhomë, ta kthej në një muze që të jetë gjithmonë prezent”, u shpreh ajo.